Библионочь - 2023

Ыам ыйын 26 күнүгэр Чыамайыкыга олохтоох модельнай бибилэтиэкэҕэ Бүтүн Арассыыйатааҕы "Библионочь‒2023" тэрээһин көхтөөхтүк ыытылынна.

Бу күн сыл бастыҥ ааҕааччыларын чиэстээһин буолла. Улахан дьоҥҥо Анна Павловна Билюкина, Надежда Николаевна Васильева буоллулар, оҕолорго Саша Васильев (8 кылаас), Антон Дьячковскай (4 кылаас) уонна саамай кырачаан ааҕааччы Амелия Федорова аатаннылар. Ону таһынан бибилэтиэкэ иһинэн "Booktime" оҕолорго аналлаах кулууп үөрүүлээхтик арылынна.

V Бүтүн Арассыыйатааҕы уруһуй куонкуруһугар бастакы истиэпэннээх лауреат буолбут 8 кылаас үөрэнээччитэ Саша Васильев уруһуйдарын быыстапката туруорулунна.

Өрөспүүбүлүкэтээҕи "Сила Книги" аахсыйаҕа Иннокентий Сосин төрөөбүтэ 95 сылынан "Лена эбэбит кытылларыттан" кинигэтиттэн "Тайҕа булчута буоллаҕым" кэпсээни доргуччу аахтылар. Ааҕыыны үөрэҕирии туйгуна, уопсай үөрэхтээһин Бочуоттаах үлэһитэ, "Сыл бастыҥ ааҕааччыта" анал аат хаһаайына Анна Павловна Билюкина саҕалаата. Иннокентий Сосин олоҕуттан кылгастык билиһиннэрдэ. Салгыы култуура бэтэрээнэ, "Сыл бастыҥ ааҕааччыта" Надежда Николаевна Васильева уонна оҕолор доргуччу аахтыллар.

Оҕолор икки хамаандаҕа арахсан бэһиэлэй викторинаҕа кытыннылар. "Үчүгэйдэр" хамаанда "Читатели" хамаандаттан 0.5 очукуонан чорбойон кыайыылааҕынан буоллулар. Түмүккэ уопсай хаартыскаҕа түһүү, минньигэс туорду амсайан, үөрэн-көтөн тарҕастыбыт.

Подробнее: https://эркээйи.рф/article/98426